Ginkalipay sang Anti-Terrorism Council (ATC) ang pahanugot sang gobyerno sang Timor-Leste sa pag-deport sa Pilipinas ni anay Negros Oriental Congressman Arnie Teves.
Sa isa ka pahayag, gin-anunsyo sang konseho nga isa ini ka importante nga development sa pagpakig-away sang aton pungsod batok sa terorismo, impunity, kag politically motivated violence.
Gindayaw man sini ang gobyerno sang East Timor sa pagkilala sang kabug-at sang mga kaso kag ang posible nga epekto sini sa kalig-unan sang rehiyon.
Suno sa iya, ang desisyon sang Timor-Leste nagasanto man sa espiritu sang pangkalibutanon nga kooperasyon kag pag-isa sang ASEAN sa pag-uphold sang rule of law.
Dugang pa nga ginpasalig sang ATC ang salabton sa mga pamahog sa kalinong, kahusay, kag demokrasya, nga nagasiling nga ang terorismo wala sang lugar sa Bag-ong Pilipinas.
Madumduman nga ginklasipikar sang ATC si Arnie Teves kaupod ang 12 ka iban pa nga mga indibidwal nga terorista bangud sa ginaalegar asud-asod nga pagpamatay kag kalakasan sa Negros Oriental lakip na ang Pamplona massacre nga nagpatay kay anay Negros Oriental Governor Roel Degamo kag 9 ka iban pa sadtong Marso 4, 2023.
