Anum ka mga indibidwal, patay sa pagpangluthang sa bus stop sa Jerusalem

Patay ang anum ka tawo  matapos sila ginpangluthang sa isa ka bus stop sa  Jerusalem.

Sa nasambit nga insidente, walo man ang narekord nga pilason sa diin isa ka Paletino ang napilasan.

Base sa imbestigasyon sang mga otoridad, nag-abot ang duha ka mga suspetsado sakay sa salakyan kag ginluthang ang mga tawo sa bus stop sa Ramot Junction.

Isa ka off-duty nga soldado kag isa ka sibilyan ang nagbalos lupok tubtub nga napatay ang mga suspetsado.

Ang mga biktima ginalakipan sang lima ka mga lalaki nga naga-edad 25 tubtub 79 anyos kag isa ka 60-anyos nga babaye.

Samtang, suno namn kay Prime Minister Benjamin Netanyahu, hibaluon niya kon paano nakapalagyo ang mga suspetsado.