Anum ka mga indibidwal, patay sa pagpangluthang sa Krakow City, Poland

Patay ang Anum ka mga indibidwal matapos gintiro sa Krakow City sa Poland.

Ang suspek ang isa ka Polish Citizen ang nagamaneho sang iya salakyan kag nagdiretso sa Main Market Square kon sa diin nagsugod ini sa pagtiro nga wala sang pili.

Madamo man ang napilasan sa insidente gikan sa pagluthang sa suspetsado nga ginaalegar nakasuksok pa sang uniporme sang suldado.

Nadakpan sang mga otoridad ang suspek gamit ang military type gun kon sa diin natukiban ang pila ka mga pusil sa iya salakyan.

Kalakip sa mga napilasan sa insidente amo ang duha ka pulis nga nagresponde.

Padayon pa ang imbestigasyon sang mga otoridad kun ano ang motibo sang suspetsado sa pagluthang sa iya kag wala pa ginbuyagyag sang mga otoridad ang identity sang suspetsado.