Ginpasiguro ni Presidente Ferdinand Marcos Jr., nga igapadayon sang Pilipinas ang mga pagbantay sa maritime zones sang pungsod kag himuon ang nagakadapat nga mga tikang nga nagasunod sa international laws.
Sa nangin speech sang Presidente sa ika-127 nga anibersaryo sang Philippine Navy nga ginhiwat sa Naval Operating Base sa Subic,Zambales, hugot nga ginsiling sang Chief Executive nga magapadayon ang Pilipinas sa pagpatigayon sang maritime rights sini sa gina-agawan nga teritoryo sa bahin sang West Philippine Sea.
Liwat nga ginhambal sang Presidente nga wala kita sang i-surrender kag wala kita sang pabay-an nga teritoryo.
Gin-punto man sini nga indi pag i-tolerar sang Pilipinas ang anuman nga hulag nga wala sang pagtahod sa soberanya sang pungsod kag sa mga kinamatarong nga mag kaangtanan sa pangkalibutanon nga mga layi.
Samtang, ginpasiguro man sang Presidente nga sa idalum sang iya nga administrasyon, igapadayon sini ang pag suporta sa mga programa nga may katuyuan nga himuon modernisado ang pwersa military sang pungsod.
