Nagpadulong sa Roxas City PNP ang 22-anyos nga babaye matapos gina-alegar ginkawat ang iya Laptop,selpon kag iban pa nga mga kagamitan sa iya apartment sa Barangay 9, sining syudad.
Ginkilala ang biktima kay alyas Joy, 22-anyos temporaryo nga nagapuyo sa nasambit nga lugar.
Samtang ang ginatudlo nga suspek ginkilala kay alyas Nani,yara sa legal nga pang edaron,kag residente man sa kapareho nga lugar.
Sa nakuha nga impormasyon sang Bombo Radyo nagikan sa Roxas City PNP, ginpahayag nga nagalakat na papuli ang amu nga biktima sang nasugata niya ang amo nga persona nga dala dala ang kapareho sang iya Laptop bag apang indi sya cgurado kung amu gid man kag sang iya gin-chekyar ang iya apartment,nadiskubrehan sini nga wala na ang iya Laptop, cellphone kag mga gamit sini.
Suno sa biktima, natigayon nga madala sang kawatan ang iya laptop nga naga balor sa kapin 42,000, selpon kag mga ATM card.
Sa karun, padayon nga nagapatigayon sang hot pursuit operation ang mga kapulisan batuk sa nasambit nga suspetsado.
