Apartment sang isa ka negosyante ginsulod sang wala matumod nga kawatan sa Barangay 8 sining siyudad

ROXAS CITY – Nagpabalhag ang 37-anyos nga negosyante matapos nga ginaalegar ginsulod ang apartment sa Washington Street, Baranagy 8, Roxas City.

Ginkilala ang tagreklamo nga si Aireen Calvin sang nasambit nga lugar apang temporaryo nga nagapuyo sa Barangay Poblacion, Sapian, Capiz.

Base sa ginpabalhag sang tagreklamo sa mga kapulisan nga naabtan na lamang sini nga nagaukay na ang ila balay rason nga gintsekyar niya ang ila mga kagamitan.

Nahibaluan nga gintaban sang wala matumod nga kawatan ang iya laptop, electric fan, perfume kag pila ka mga kagamitan sa sulod sang iya balay nga ginabulubanta naglab-ot sa P47,000.

Bangud diri, ginpakamaayo na lamang sang tagreklamo nga ipabalhag sa pulisya ang insidente.