SAN ANTONIO, Zambales – Na-rescue sang awtoridad ang apat ka exotic Australian parrots sa iligal nga pagbaligya pinaagi sa joint entrapment operation sa Iba Zambales.
Sa ginpatigayon nga joint entrapment operation ini ginlakipan sang Philippine National Police Maritime Group sa Zambales kag DENR Community Environment and Natural Resources Office “CENRO”, Masinloc Enforcement Team.
Suno kay Donaver Guevarra, head sang CENRO Masinloc, iya ginpahayag nga na-escue ang cockatiels ukon Nymphicus hollandicus, nga isa sa kilala bilang pet parrots kag exotic species sa Pilipinas kun sa diin ang apat ka parrots gindapatan sang temporaryo nga health assessment kag ginhatagan sang nagakangay nga pag-atipan.
Dugang pa sa impormasyon paglapas sa Republic Act No. 9147 ukon mas kilala sa Wildlife Resources Conservation and Protection Act of 2001, nga nagadumili sa wala sang permiso nga pagkolekta, pag-angkon, pagtransport, pagbaligya kag pagnegosyo sang wildlife.
Sa karon ginapahanumdom sang DENR Regional Executive Director Ralph Pablo, ang pagkolekta, possessing, transporting, selling, ukon trading sang wildlife nga wala sang permiso isa ka ginadumilian sa idalom sang Republic Act No. 9147.
