Nagapangatubang sang Criminal and administrative cases ang apat ka incumbent barangay kagawad sang Barangay Poblacion sa banwa sang President Roxas, Capiz.
Sa interview sang Bombo Radyo kay President Roxas Mayor Receliste Escolin, ang nasambit nga kaso ang ginpasaka sang sanay man opisyal sang Polacion, President Roxas Capiz
(PRES. ROXAS)
Base sa tatlo ka panid nga order halin sa Office of the Ombudsman, lakip sa mga kaso nga ginpasaka batok sa apat amo ang Falsification by Public Officer, Employee or Notary or Ecclesiastical Minister sa idalom sang Article 171 sang Revised Penal Code.
Lakip man sa reklamo ang Grave Abuse of Authority, Gross Neglect of Duty kag Serious Dishonesty.
Suno sa Ombudsman, nakitaan sini sang bastante nga basehan ang reklamo batok sa apat ka incumbent barangay kagawad agud ipadayon ang imbestigasyon.
Ginahulat man sang Ombudsman ang mga respondent nga magsumiter sang ila counter-affidavit, lakip ang mga nagakaigo nga ebidensya, sa sulod sang lima ka adlaw halin sa ila pagbaton sang reklamo.
Samtang, bukas naman ang Bombo Radyo Roxas sa posible sabat sang mga indibidwal.
