Nagpaguwa sang joint statement ang apat ka former President sang Senate of the Philippines, nga nagapanawagan sang madasig nga pagresolba sang kinagamo sa Senado.
Ginhatagan nila pagtamod nga katungdanan sang mga lideres nga amligan ang dignidad sang institusyon, indi magpabilin sa poder, kag dapat huptan nga respetado kag suno sa kasuguan ang Senado.
Sa ginpaguwa nga “Statement of Former Senate Presidents on Senate Brouhaha” nanday former Senate Presidents Aquilino “Koko” Pimentel III, Franklin Drilon, Juan Miguel “Migz” Zubiri, kag Vicente “Tito” Sotto III, ila ginhatagan pagtamod nga ila moral nga katungdanan ang maghambal para sa proteksyon sang institusyon nga ila ginapangunahan.
Suno sa ila, ang nagapanguna nga obligasyon sang isa ka lider sang Senado indi ang pagpabilin sa posisyon, kundi ang pagsiguro nga ang senado nagapabilin nga talahuron, dungganon, kag nagatindog sandig sa kasuguan.
Nagpanawagan man sila sa subong nga mga mamalidha nga untatan na ang pagbinaisay kag magtutok sa mga importante nga isyu sang pungsod kaangay sang ekonomiya, seguridad, kag iban pa nga mga krisis sa pungsod.
