-- ADVERTISEMENT --
Patay ang Apat ka mga indibidwal matapos ginbombahan sang Israeli Forces ang isa ka salakyan sa border sang Lebanon kag Syria, suno sa Lebanese Ministry of Public Health.
Natabo ang air strike sa Majdal Anjar, Lebanon kon sa diin isa sa mga napatay nga biktima ang isa ka Syrian national nga si Khaled Mohammad al-Ahmad.
Suno sa Israeli Military, target sang nasambit nga pag-atake amo ang mga gina-alegar katapo sang Palestinian Islamic Jihad (PIJ) sa Lebanon.
Nahibaluan nga ang Palestinian Islamic Jihad (PIJ), isa ka armado nga grupo sa Palestinian territory nga nagabulig sa Hamas sa Gaza sa pagtukod sang isa ka Palestinian state. Isa man ini ka kaalyado sang Lebanese armed group sa Hezbollah nga naghimo sang mga pag-atake sa northern Israel.
