ROXAS CITY-Natalana nga pasakaan sang nagakaigo nga panombongon ang apat ka mga persona kalakip na ang isa ka menor de edad matapos nga nadakpan sa ginkasa nga drug buybust operation sang mga katapo sang Station Drug Enforcement Team (SDET) sang Roxas City Police Station sa Barangay Tanque, Roxas City.
Matandaan nga mga nagkaladakpan ang ginkilala nga sanday Jacky Linda Bitoon, 36 anyos; Jacky Lyn Roxas, 38 anyos; Digno Bonganay, 34 anyos kag isa ka 15 anyos nga solterito.
Narekober sa mga suspek ang lima ka sachets sang ginapatihan shabu kun sa diin isa diri ang nabakal, P1,000 nga Drug Buybust Money, cellphone kag iban pa nga mga drug paraphernalias.
Suno sa mga suspek nga nagagamit sila agud pambulong sa kakapoy.
Magapangatubang ang mga ini sang panumbungon nga paglapas sa Republic Act No. 9165 ukon Comprehensive Dangerous Drugs Act of 2002.
