Yara na sa maayo nga kahimtangan ang apat ka mga pasahero nga napilasan sa nagluntad nga vehicular accident sa Barangay Basiao, Ivisan, Capiz.
Sa interview sang Bombo Radyo kay Police Captain Rile F. Villariez Jr., Officer in-charge sang Ivisan Municipal Police Station, iya ginpahayag nga halin sa Barotac Iloilo ang jeep kag pakadto kuntani sa baybayon sang banwa para mag-outing sang hinali lang nadulaan sang preno ang jeep nga amo ang rason sang aksidente.
Suno kay Villariez, may yara sang 21 ka mga pasahero nga sakay sang jeep, apang apat sa ila ang napuruhan kag nag-angkon sang pilas sa lawas.
Nagpanawagan man ini sa mga motorista nga siguruhon nga yara sa maayo nga kondisyon sang ila salakyan antes magbyahe agud malikawan ang posible nga aksidente sa dalanon.
