ROXAS CITY – Gilayon gindala sa ospital ang apat ka mga pulis matapos nabungguan ang ila ginasakyan nga salakyan sa Arnaldo Blvd., Barangay Baybay, Roxas City.
Nag-angkon sang kapilasan sa lawas sanday PO1 Arnel Gonzales, nagamaneho sang salakyan; PO1 Eleazar Sablayan; PO1 Genesis Sioting; kag PO1 Seleno Londres.
Ang mga biktima ang lunsay mga miyembro sang Philippine National Police sa probinsiya sang Negros Occidental kag sa karon yara sa Capiz kasunod sang ila nga deployment para sa Barangay kag Sangguniang Kabataan ukon SK Elections.
Magaliko na kuntani ang nasambit nga salakyan sang hinali ini nabungguan sang van nga ginamaneho ni Jonard Villaruel nga ginapahayag yara sa impluwensiya sang makahulubog nga ilimnon.
Gilayon gindapatan sang nagakaigo nga pagbulog ang pilason nga mga pulis.
