Patay ang Apat ka mga tripulante matapos gin-atake sang Houthi Rebels nga ginasuportahan sang Iran ang isa ka gamay nga cargo ship sa Bab el-Mandeb Strait malapit sa Yemen.
Suno sa Yemen’s Ministry of Transport, duha ka mga rescuers gikan sa isa ka anti-Houthi military group ang napatay man sa insidente.
Ang sakayan pandagat ginkilala nga Tihamah, isa ka barko nga ginapanag-iyahan sang isa ka kompanya sang Egyptian.
Ini ang una nga narekord nga napatay sa pag-atake sang Houthi sa isa ka maritime vessel halin sang nagsugod ang inaway sa tunga sang Iran kag Israel sang Pebrero 28.
Padayon nga nagataas ang tensyon sa importante nga ruta sa baybayon sang Bab el-Mandeb Strait, isa sa mga mayor nga ruta sang global trade sa tunga sang Red Sea kag Gulf of Aden.
