ROXAS CITY -Apat ka panibag-o nga positibo nga kaso sang COVID-19 sa probinsiya kahapon nga adlaw Hulyo 28.
Sandig sa ginpaguwa nga datos sang Capiz Provincial Health Office ukon PHO, Duha ka mga Locally Stranded Individuals kag Duha ka mga Returning Overseas Filipinos ang panibag-o nga nagpositibo sa probinsiya.
Sandig sa datos sang PHO, 31-anyos nga lalaki nga residente sang Roxas City nga may yara sang history of travel sa China kag Metro kag 54-anyos nga lalaki nga residente sang Panitan nga may yara sang travel history sa Spain, Abu Dhabi kag Metro Manila ang duha ka mga ROFs nga nagpositibo.
Samtang 23-anyos nga babayi nga residente sang banwa sang Cuartero nga may yara sang travel history sa Biñan Laguna kag 21-anyos nga babayi nga residente sang banwa sang President Roxas nga may yara sang travel history sa Caloocan Metro Manila ang duha ka mga LSI nga nagpositibo sa COVID-19.
