Patay ang Apat ka mga suldado samtang isa naman ang pilason matapos gin-ambush samtang yara sa humanitarian mission sa Barangay Lininding, Munai, Lanao del Norte.
Suno sa mga opisyal sang Western Mindanao Command (WestMinCom) kag Lanao del Norte Provincial Police Office, gilayon nga napatay sanday Staff Sgt Diosito Araya, Sgt Gilbert Arnoza, Sgt Junel Calgas, kag isa ka suldado nga ginkilala kay Private Laniton bangud sa igo sang bala.
Samtang, ginpahayag naman ni Cpl. Napilasan si Rollen Dela Cruz nga gilayon nga gindala sa ospital sang mga emergency responders agud madapatan sang nagakaigo nga pagbulong.
Base sa panaysayon sang mga lokal nga opisyal kag mga lideres sang Komunidad sang Maranao, wala naka-uniporme ang mga suldado kag nagasakay sa blue nga Toyota Avanza samtang padulong sila sa malayo nga lugar sa Munai para sa non-tactical peacebuilding engagement sang natabo ang ambush.
Samtang nagatabok ang ila salakyan sa manabaw nga suba sa Purok 1, Barangay Lininding, ginluthang sila sang mga armado nga groupo gamit ang assault rifle kag nagposisyon sa batuhon nga bahin sang dalan. Matapos ang pagpangluthang, nagpalagyo ang mga suspetsado.
Ang mga nag-atake ginapatihan nga mga miyembro sang Dawlah Islamiya, isa ka grupo nga gindeklarar nga nabungkag, apang ang pila sa mga katapo sini wala pa nakapaidalom sa sa reconciliation program for violent religious extremists sang WestMinCom.
Ginkumpirmar ni Lt Gen Donald Gumiran, commander sang WestMinCom, nga ang mga napatay nga suldado ang katapo sang 1st Civil-Military Operations Battalion sang 1st Infantry Division sang Philippine Army.
