Roxas City – Ginahibalo pa sa karon sang Municipal Disaster Risk Reduction and Management Office (MDRRMO) Balud sa probinsya sang Masbate kun ano ang mga pagkakilanlan sang apat ka mga persona nga ila na-rescue sa kadagatan nga sakup sang nasambit nga lugar.
Sa inisyal nga impormasyon nagikan kay Mrs. Myrna Jacinto, MDRRMO head, sa apat ka mga persona nga ila na-rescue, 3 diri ang buhi kag 1 ka bata nga ginabulubanta nagapang-edaron sang 3-5 katuig ang patay.
Sandig naman sa himata sang mga missing nga yara sa Bangkal, Carles, Iloilo , nakabaton sila sang impormasyon nagikan sa midwife sa Balud, Masbate nga ang tatlo ka mga persona nga buhi amu ang mag-asawa nga sanday Romeo Bataican kag Rhoda Moncillo, kaupod ang bata nga si Romelyn Bataican, kag suno pa diri nga ang bata nga ginapahayag patay amu si Marlon Pablo.
Padayon pa nga missing tubtob sa karon ang apat pa ka mga kaupod sa motorbanca.
Sa karon, wala man makit-an ang nasambit nga sakayang-pandagat.
