ROXAS CITY – Padayon ang pag-request ni President Roxas Mayor Receliste ‘Tanoy’ Escolin, sang additional nga food packs kag bulig para sa mga apektado sang red tide sa ila nga banwa.
Sa interview sang Bombo Radyo kay Escolin, ginsiling sini nga 6 ka mga barangay ang apektado sang red tide kun sa diin nagdangat sa 237 ka mga pamilya nga may masobra sa 1,000 nga indibidwal ang apektado sang nasambit nga phenomenon.
Bangud sini, natigayon na nga makapangayo sang bulig sa DSWD ang alkalde agud makabulig sang gamay sa pagpangabuhi sang mga residente sa coastal areas.
Nagpakig-angut naman ini suno diri sa BFAR Region-VI sa paghinyo sang bulig para sa ila pumuluyo.
Subong man, nagahulat man ini sang ayuda nga magagikan sa provincial government.
Maayo lamang, nga ang mga apektado nga ila residente ang nagatinguha man nga makapangita sang iban nga palangitan-an.
Nagpangabay man ang alkade sa ila pumuluyo nga habaan ang pasensiya sa naeksperyensiyahan nga pagtilaw.
