Liwat nga ginbasura sang judge ang apilir sang singer nga si Sean “Diddy” Combs nga makapagpiyansa ini.
Mahibaluan ini na ang ika-tatlo ka beses nga ginbalibaran sang korte ang nasambit nga hirit sang kampo sang singer samtang ginahulat ang pagsinapol sa mga kaso nga sex trafficking kag racketeering conspiracy.
Suno kay Judge Arun Subramanian, ang nasambit nga desisyon base sa ginpatigayon nga imbestigasyon sang tinalikdan nga semana kung sa diin iya ini gintambungan agud makakita sang mga potensyal nga options kag pagkuwestiyon sa alegasyon sang prosecutors.
Nakabutang man sa amu nga desisyon nga klaro nga nakita sang korte kag sila ang nakumbinsi nga wala sang kondisyon ukon kombinasyon sang kondisyon nga masiguro ang kaluwasan sang komunidad.
