ROXAS CITY – Nagdangat sa 6, 196 ang aplikante para sa Capiz Scholarship and Educational Assistance Program sang gobyerno-probinsiyal.
Ini ang ginpahayag ni provincial scholarship coordinator Rovel Villasoto sang mainterview sang Bombo Radyo.
Sa nasambit nga numero, 1, 955 diri ang taga-Roxas City; 244 sa Pilar; 245 sa President Roxas; 377 sa Pontevedra; 419 sa Panay; 247 sa Maayon; 379 sa Panitan; 168 sa Tapaz; 271 sa Dumalag; 107 sa Dumarao; 204 sa Jamindan; 237 sa Mambusao; 260 sa Sapian; 254 sa Ivisan; 289 sa Cuartero; 274 sa Dao; kag 266 sa Sigma.
Apang, ginklaro ni Villasoto nga sa kabug-usan nga numero sang mga aplikante, 1, 125 lamang diri ang pagakuhaon sang gobyerno-probinsiyal para sa nasambit nga programa kun sa diin magaagi sila sa eksaminasyon.
Gintalana sa Hulyo 6 sa aga ang exam para sa banwa sang Pilar samtang sa hapon sa banwa sang President Roxas.
Hulyo 7 sa aga amo ang banwa sang Pontevedra kag banwa sang Panay sa hapon.
Hulyo 8 amo ang banwa sang Maayon sa aga samtang Panitan naman sa hapon.
Hulyo 9 amo ang banwa sang Tapaz kag Dumalag sa aga samtang Dumarao naman sa hapon.
Hulyo 10 amo ang banwa sang Jamindan sa aga samtang Mambusao naman sa hapon.
Hulyo 13 amo ang banwa sang Sapian sa aga kag Ivisan sa hapon.
Hulyo 14 amo ang banwa sang Cuartero sa aga kag banwa sang Dao sa hapon.
Samtang sa Hulyo 16 tubtob 18 naman ang sa Roxas City.
Kalakip sa pagadal-on sang mga aplikante sa pagkuha sang exam amo ang special quarantine pass para sa naga-edad 21 anyos panubo, long brown envelope, long white folder, lapis kag ila nga face mask.
