Ginkasadya ni Senadora Risa Hontiveros ang pagka-aresto sang mga otoridad sa pugante nga si Apollo Quiboloy.
Suno kay Hontiveros, nga siya ang nagapanguna nga nag-imbestiga sa Senado sa mga kaso nga paglapas sa kinamatarong ni Quiboloy, ilisipon na lamang ang adlaw sini kung sa diin nagapangbastos sa layi, nagapang-abuso sa kababainhan, kabataan kag mga Pilipino.
Indi suno diri matakasan ni Quiboloy ang layi kag indi sini mapunggan ang hustisya para sa mga gina-abuso sini.
Kadungan sini, ginpasalamatan ni Hontiveros ang mga victim-survivors nga maisog nga nagsiling sang kamatuuran sa pagsinapol kung sa diin lab-ot kamot na sini ang hustisya sa karun.
Gindayaw man sang mamalidha ang mga law enforcement agencies sa ila dedikasyon sa pihak sang ginpakita ni Quiboloy nga mga taktika.
Sa karun nga naaresto na si Quiboloy, magapadayon suno diri ang imbestigasyon sang Senado agud matuldukan na ang sistematiko nga pang-aabuso sini sa mga pinakabulnerable sa sosyudad.
