ROXAS CITY – Liwat nga ginbalikan sang Apologetics ministry sang archdiocese of Capiz ang barangay Olotayan, agud edukaron ang mga tumuluo sa lugar may kaangtanan sa natabo nga pagpangsunog sa mga imahe kag rebulto sang mga santos.
Sa interview sang Bombo Radyo kay Brother Duane Cartujano Apologetics ministry in-charge archdiocese of Capiz, ginpahayag sini nga tinutuyo sang ila pagpadulong sa lugar agud ipa-athag sa mga residente kun anu ang ila kinahanglan nga himuon sa tion nga liwat may magpadulong nga anu man nga sector ukon grupo sa lugar nga nagapamatok sa relihiyon.
Matandaan nga sang tinalikdan nga bulan, may yara sang isa ka ginapahayag grupo sang kulto ang nagpadulong sa lugar kag nagpangwasak kag nagsunog sa imahe kag rebulto sang santos.
Suno sa Pastor, sa tion nga may mga grupo nga nagaganyat kag nagawasak sa pagtuo sang isa ka indibidwal kinahanglan mahibaluan kun anu ini nga sector ukon grupo, anu ang ginapromote kag anu ang makuha sa pagpakigbahin sa amu nga sector.
Dugang pa sini nga nangin madinalag-on ang ila pagpakighinala sa mga residente kag nagalaum ang Apologetics ministry sang archdiocese of Capiz nga dako ini nga bulig sa mga residente sa lugar kag nangin leksyon ang natabo nga insidente.
