Gintuytuyan sang proactive initiatives nga nagatuyo sang iposisyon ang Pilipinas bilang nagapanguna nga investment hub sa rehiyon, ginbalita sang Philippine Economic Zone Authority (PEZA) ang pagtaas sa investment approvals para sa third quarter sang 2024, halos doble sang kabug-usan nga narekord humalin Enero tubtob Agosto.
Humalin sang Enero tubtob Setyembre 2024, gin-aprubahan sang PEZA ang 179 bag-o kag expansion projects.
Ginalauman nga magahimo ini sang USD2.513 billion nga exports kag magahatag sang 35,871 direct jobs sa mga Pilipino.
Ang approvals ang nakakuha sang kabug-usan nga P115.887 billion nga balor sang investments, nga nagpabaskog sa kaathagan nga maabot ang P200 billion investment target sang PEZA para sa tuig.
Ang kabug-usan nga PEZA approvals para sa una nga walong bulan sang tuig ang nagdangat na sa P61.69 billion.
Year-on-year, nagka-24.31 percent nga pagtaas sa numero sang mga bag-o kag expansion projects, 4.21 percent nga pagtaas sa investments, nagdabong ang exports sang 5.47 percent kag ang employment opportunities ang nakabatyag sang 55.82 percent pagtaas para sa 2024.
“The figures underscored the aggressive and sustained momentum of PEZA’s investment promotion efforts, reflecting its commitment to driving economic development through foreign direct investments, increased exports, and local enterprise growth,” pahayag ni Director General Tereso Panga sa isa ka board meeting.
Suno sa PEZA, sa dako nga pagtaas sa nagkalain-lain nga sektor, ang pungsod ang nakaposisyon para sa mas mabaskog nga performance sa ulihi nga quarter sang 2024.
Sang Setyembre 23, gin-aprubahan sang PEZA ang 16 bag-o kag expansion projects nga ginalauman nga magasulod sang P54.191 billion nga investments, magahimo sang $541.04 million nga exports kag magahatag sang 4,044 bag-o nga trabaho sa mga Pilipino.
Sa karon, ang mga proyekto nga ini ang pinakadako nga investment approvals sang tuig. Halin sa 16 nga gin-aprubahan nga bag-o kag expansion projects, may wala ginalauman nga 285 percent nga pagtaas sa investments nga nagabalor sang P54.19 billion ikumparar sa P14.04 billion sang September 2023, nga may pagtaas sa exports nga 20.98 percent sa kapareho nga tion.
