ROXAS CITY – Nagalaum karon ang pamunuan sang Archdiocese of Capiz nga indi na masulit pa ang pagpangawat sa Nuestra Señora del Carmen Parish Church sa Sitio Esperanza, Barangay Binuntucan, Pontevedra, Capiz.
Sa interview sang Bombo Radyo Roxas kay Monsignor Cyril Villareal, ginpahayag sini nga makabig nga leksyon na ang hitabo sa tanan kag kuntani maintindihan sang isa kag isa ang ila nga obligasyon agud maprotektahan ang mga sagrado nga butang sa sulod sang Simbahan.
Ginatugyan naman sang Simbahan sa mga pulis ang imbestigasyon kag nagalaum nga magguwa ang resulta sa masunod nga mga inadlaw.
Samtang suno kay Msgr. Villareal nga tobtob sa karon palamangkutanon sa ila ang pagpangawat sang suspek sang Ciborium nga ginakabig nga balaan sang Simbahan.
