Ginasaulog subong nga adlaw sang Archdiocese of Capiz ang makasaysayan nga Diamond Jubilee ukon ika-75 nga anibersaryo sang Diocese of Capiz kag Golden Jubilee ukon ika-50 nga anibersaryo sang Archdiocese of Capiz.
Sa interview sang Bombo Radyo kay Fr. Jose Arturo Emilio Arbatin, Spokesperson sang Archdiocese of Capiz, iya ginpahayag nga sa amo nga selebrasyon ginalauman sini ang pagbuylog sang linibo ka mga tumuluo, mga pari, seminarista gikan sa nagkalain-lain nga mga parokya sa probinsya para sa Solemn Thanksgiving Mass.
Suno kay Arbatin, ang sini nga duha ka anibersaryo ang isa ka daku nga bugay kag grasya sang Diyos sa Simbahang Katolika sa Capiz.
Ginpahayag man sini nga ang selebrasyon indi lamang pagdumdum sang kasaysayan kundi isa man kahigayunan nga magtililipon ang tanan agud mapabaskog ang pagtuo kag paghiusa.
