Pagpangamuyo sang Santo Rosaryo ang nangin panawagan sang Archdiocese sang Capiz kadungan sang pagpatigayon sang National Day of Prayer and Public Repentance.
Sa interview sang Bombo Radyo kay Rev. Fr. Jose Arturo Emilio Arbatin, spokesperson sang Archdiocese of Capiz, iya ginpahayag nga ang ini nga aktibidad ang nahanungod sa pagpangamuyo kag pagmanik-luhod sa Makaako indi lang para sa kaugalingon kundi pati na ang bug-os nga pungsod Pilipinas.
Suno pa kay Rev. Fr. Arbatin, ang lakip sa mga rason sang sini nga kahiwatan amo ang padayon nga pag-atubang sa kurapsyon sa gobyerno, ang mga nagakalatabo nga kalamidad kag ang pagbahin-bahinay sa patag sang politika.
Pahayag pa niya, sa mga masunod nga Dominggo sining bulan sang Oktubre, magahiwat naman sang special prayer nga pagatawgon National Cry for Mercy and Renewal kun sa diin ang mga intensyon ang nahanungod sa proteksyon batuk sa mga kalalat-an nga maga-abot sa palibot.
Nagapanawagan man ang natungdan nga padayon sa hugot nga pagpangamuyo kag pagtuo sa Makaako labi na sa ginapangatubang nga sitwasyon sang pungsod sa subong.
Interviewed by: Bombo Francis Biñas via Zona libre
