Arestado ang duha ka mga persona sa ginkasa nga drug buybust operation

ILO-ILO – Arestado ang duha ka mga persona sa ginkasa nga drug buybust operation sang mga kapulisan sa Barangay Bancal, Carles, Iloilo.

Ginkilala ang mga drug suspect nga sanday Rannie Carmen 48-anyos sang nasambit nga lugar kag Rhea Ramirez 38-anyos sang Barangay Alas, Manda-on, Masbate.

Narekober sa posisyon sang mga suspek ang 20 kabilog sang blasting cap, 5 kilos sang ammonium nitrate kag P2,100 nga buybust money kag nga drug paraphernalia.

Sa karon, nakahunong na sa karsel sang Carles Municipal Police Station ang mga arestado.

Nagapangatubang naman sa kaso nga paglapas sa RA 9165 ukon Comprehensive Dangerous Drugs Act of 2002 ang nasambit nga mga arestado.