Arestado ang isa ka lalaki nga ginakabig nga Top 1 Most Wanted Person sa Municipal Level sa kaso nga falsification of public documents, matapos ginserbihan sang warrant of arrest sang mga kapulisan sa Barangay Poblacion Ilawod, Pontevedra, Capiz.
Ginkilala ang akusado kay alyas Dave, 27-anyos kag residente sang Brgy. Tanza Norte, Panay, Capiz.
Pinaagi sa ginpakusog nga kampanya kontra sa most wanted person sang mga kapulisan, natigayon nga maaresto ang amo nga akusado.
Gin-isyu kag ginpirmahan ni Hon. Lorencito Belo Diaz, presiding judge, RTC 6, Branch 17, Roxas City, Capiz nga napetsahan sang Oktubre 2, 2024.
May ginrekomendar naman nga pyansa ang korte nga nagabalor P72,000 para sa temporaryo sini nga kahilwayan.
Sa karon, yara na ini sa kustodiya sang Panay MPS para sa nagakaigo nga disposisyon.
