Ariana Grande, gin-upod ang lola sini para lantawon ang iya pelikula

Nagpauli sa iya gindak-an nga lugar sa Florida ang singer nga si Ariana Grande agud updon ang lola sini nga maglantaw sang iya pelikula nga “Wicked”.

Mahibaluan nga lakip sa cast sang pelikula ang singer kun sa diin siya si Glinda the Good Witch.

Pag-abot niya sa Boca Raton, Florida, gin-upod sini ang iya 99-anyos nga lola nga si Marjorie “Nonna” Grande.

Sa social media account ginapakigbahin sang singer ang pila ka laragway nga kaupod niya ang iya lola.

Ginpasalamat man sini ang iya nga nobyo nga si Ethan Slater nga kaupod man sa pelikula bangud nga amu ang nagkuha sang litrato matang kaupod sang singer ang iya nga lola.