Gin-alegar nga gintuyo nga sudlon sang wala makilala nga mga armado nga lalaki ang 2nd floor sang Senado kagab-i, suno kay Interior Secretary Jonvic Remulla.
Ini ang rason kon ngaa nagpalupok sang warning shots ang mga tinawo sang Senate Office of the Sergeant-at-Arms (OSAA) agud indi sila makasulod.
Suno sa opisyal, nagtuyo nga magsulod ang mga armado nga lalaki sa Senate building taka alas 7:46 san gab-i.
Matapos nga mapunggan, nag-atras ang mga ini sa likod sang building kag nagpalupok sang pusil.
Padayon pa nga ginahibalo sang mga otoridad kun pila ka mga tawo ang involve sa insidente paagi sa pag-review sang CCTV footage.
Natabo ang insidente samtang naka-lockdown ang Senado, nga yara sa protective custody si Senador Ronald “Bato” dela Rosa.
Ginpahayag man nga nagdugang ang tensyon matapos nga ginpanginwala sang Korte Suprema ang hingyo ni Dela Rosa para sa temporaryo nga restraining order may kaangtanan sa arrest warrant nga gin-issue sang International Criminal Court batuk sa iya.
