Arestado ang isa ka lalaki sa ginpatigayon nga drug buy-bust operation sa Sitio Railway, Barangay Punta Tabuc, Roxas City.
Ang arestado amo si ayas ‘jes’ 28-anyos, kag residente sang nasambit nga barangay.
Sa interview sang Bombo Radyo kay Police Lieutenant Colonel Rogelio Tomagtang Jr., Chief of Police sang Roxas Component City Police Station, iya ginpahayag nga nakuha sa paghinakop sang arestado ang .38 caliber revolver kag apat ka sachet sang suspected shabu.
Suno kay Tomagtang Jr., madugay na nga ginamonitor sang kapulisan ang suspek antes natigayon ang nasambit nga operasyon.
Sa subong, preso na ini sa Roxas Component City Police Station, kag magapangatubang sa kaso nga paglapas sa Republic Act 10591 ukon Comprehensive Firearms and Ammunition Regulation Act kag Republic Act 9165 ukon Comprehensive Dangerous Drugs Act of 2002.
