Armas kag mga bala nakumpiskar sa isa ka balay sa banwa sang Pilar

ROXAS CITY – Arestado ang 33-anyos nga mister sa ginpatigayon nga search operation sa  paglapas sa RA 10591 ukon Illegal Possession of Firearms and Ammunition sa Barangay Dulangan, Pilar, Capiz.

Nakahunong na karon sa lock up cell sang Pilar Municipal Police Station ang subject sang operasyon nga si Eric Banico sang nasambit nga lugar.

Nakuha sa posesyon kag kontrol ni Banico ang (1) sang .38 caliber revolver nga may apat ka mga bala kag isa ka unit sang homemade 12 gauge shotgun nga may isa ka magazine.

Nahibaluan nga ginpangunahan ang operasyon ni Police Captain Alfred de Leon, hepe sang Pilar PNP.