Armas luthang boluntaryo nga ginsungka sang isa ka punong barangay sa banwa sang Dao, Capiz

ROXAS CITY-Boluntaryo nga ginsungka sang Punong Barangay sang Barangay Agtambi, Dao Capiz ang isa ka armas-luthang sa Dao Municipal Police Station.

Ginkilala ang nagsungka kay Punong Barangay Marcelino Bauson sang nasambit nga lugar.

Isa ka unit sang 12-gauge shotgun nga wala sang bala ang ginsungka ni Bauson sa mga kapulisan.

Sa karon, yara na sa kustodiya sang Dao Municipal Police Station ang amo nga armas luthang kag natalana nga i-turn-over sa FESAGS division sang Capiz Police Provincial Office para sa nagakaigo nga disposisyon.