Armas luthang, ginsungka sang Barangay kapitan sa mga kapulisan sa banwa sang Dumalag

ROXAS CITY – Boluntaryo nga ginsungka ni Punong Barangay Felixberto Funa sang Brgy. San Roque, banwa sang Dumalag ang isa ka .38 calibre nga revolver nga may lima (5) ka mga bala sa Dumalag Municipal Police Station.

Nahibaluan nga ginsurrender sang isa nila ka residente ang amu nga armas.

Ini ang tuga sang masangkaron nga kampanya sang mga kapulisan nga Tokhang Kontra Armas Luthang (TKAL).

Padayon man ang pag-engganyo sang mga kapulisan sa probinsya nga isungka ang mga ginahuptan nga armas, ilabi na ang indi lisensyado agud malikawan ang mahimo sini matuga nga digrasya.