Arestado sang isa ka lalaki kaso sang illegal possession of firearms sa Brgy. Binuntucan, Pontevedra, Capiz.
Ang arestado amo si alyas Mark 20-anyos kag residente sang Brgy. Tabuc sa amo nga banwa.
Sa interview sang Bombo Radyo kay Police Captain Mark Anthony Garcia, officer in-charge sang Pontevedra Municipal Police Station, iya ginpahayag nga nakuha sa paghinakup sa arestado ang .38 caliber revolver nga wala sang serial number.
Suno kay Garcia, sang ginrikisa ini nakuha man sa posisyon sang subject person ang anum ka plastic sang suspected shabu.
Sa subong, yara na ini sa kustodiya sang mga otoridad kag magapangatubang ini sa kaso nga Republic Act 10591 ukon Illegal Possession of Firearms kag Republic Act 9165 ukon Comprehensive Dangerous Drugs Act of 2002.
