Pilas ang naangkon sang 2 ka mga costumer kag ang amo nga guwardiya sa isa ka bangko matapos nga aksidente nga naglupok ang armas luthang sa Arnaldo Boulevard, Barangay Baybay, Roxas City ,takna alas 9:50 sang aga.
Ginkilala ang suspetsado sa kay alyas Nofry, 40-anyos samtang ang mga biktima ang wala pa makilan-e.
Sa impormasyon nga nakuha sang Bombo Radyo, samtang nagatinlu ang amo nga guwardiya sang iya armas luthang hinali ini nga naglupok kag naigo ang duha pa ka mga costumer.
Yara sa iya nga duty ang nasambit nga guwardiya sang natabu ang insidente.
Gilayon naman nga ginpadangat sa pinakamalapit nga ospital ang duha ka mga costumer sa nagakaigo nga pagbulong.
Samtang, gin-aresto naman ang guwardiya nga ginpadangat sa Roxas Component City Police Station matapos gindapatan sang pauna nga pagbulong.
Sa karon, padayon pa ang imbestigasyon sang mga kapulisan angut sa nasambit nga insidente.
