Patay ang army chief of staff sang Libya nga si Mohammed Ali Ahmed Al-Haddad lakip a ang apat ka iban pa sa nagluntad nga plane crash sang Martes matapos maghalin sa Ankara, Turkey suno kay Prime Minister Abdulhamid Dbeibah.
Lakip man sa mga napatay ang commander sang ground forces sang Libya, direktor ng military manufacturing authority, isa kachief of staff, kag isa ka photographer gikan sa opisina sang chief of staff.
Suno kay Turkish Interior Minister Ali Yerlikaya, ang Dassault Falcon 50 jet naghalin sa Esenboga Airport sa Ankara mga las 5:10 Greenwich Mean Time pakadto sa Tripoli. Nadula ang kontak sa radyo mga las 5:52 Greenwich Mean Time kag ang mga bangkay nasapwan sa eroplano malapit sa Kesikkavak village sang Haymana district.
Samtang, indi pa maathag ang kabangdanan sang pagtibusok ang am nga eroplano.
Nahibaluan nga natabo ang aksidente isa ka adlaw matapos nga ginpalawig sang Turkish parliament ang mandato sang ila mga tropa sa Libya sa sulod sang duha ka tuig.
