-- ADVERTISEMENT --
Napasakaan na sang panumbungon nga paglapas sa RA 10591 ukon illegal possession of firearms ang army reserve officer nga nakuhaan sang indi lisensyado nga armas luthang sa Kilometer 1, Barangay 10, Roxas City.
Nakahunong karon sa lock up cell sang Roxas City PNP si Brian Billanes 33-anyos, residente sang Barangay Baybay, Roxas City.
Sandig sa imbestigasyon sang Roxas City PNP, nagapatigayon sang pagronda ang patrol sang hinali gin-cutting sang motorsiklo nga ginamaneho sang suspetsado sa Kilometer 1.
Ginparahan sang mga kapulisan si Billanes kag diri nakita sa hawak ang isa ka armas luthang nga wala sang permit to carry.
Ginsungka ni Billanes sa mga kapulisan ang .45 caliber pistol nga may isa ka magazine nga loaded sang anum ka bala.
