Ginpalapta sang Sandiganbayan Fifth Division ang iskedyul sang arraignment ukon pagbasa sang kaso kanday Senador Jinggoy Estrada kag anay Department of Public Works and Highways (DPWH) Secretary Manuel Bonoan sa ila ginaatubang nga mga kaso nga graft kag plunder. Sa baylo nga himuon kuntani subong nga Hunyo 30, gin-reset ini sa Hulyo 28.
Ang pagbalhin sang petsa nagsunod sa mosyon nga ginpasaka sang state prosecutors agud usaron ang impormasyon sang kaso kag kuhaon si Bonoan bilang isa sa mga akusado. Ini matapos ginpamatud-an ni Ombudsman Jesus Crispin Remulla nga pumayag si Bonoan nga mangin state witness sa imbestigasyon may kaangtanan sa ginaiimbestigahan nga flood control scandal.
Suno sa Ombudsman, dako ang mabulig sang ihibalo kag testimonya ni Bonoan agud mapalig-on ang ebidensya batok sa iban pa nga mga akusado sa kaso. Samtang ginapaabot ang bag-o nga iskedyul sang arraignment, padayon ang preparasyon sang prosekusyon para sa pormal nga pagsugod sang paglilitis.
