Ginpaiway anay Sandiganbayan Fourth Division ang arraignment ukon pormal nga pagbasa sang kaso batok kay anay Senador Ramon “Bong” Revilla Jr. kag lima pa ka iban nga akusado sa kaso nga graft nga may kaangtanan sa ginapatihan nga P92.8-milyon nga “ghost” flood control project sa Pandi, Bulacan.
Ginpahayag sang korte nga gin-aprobahan ni Sandiganbayan Fourth Division Chairperson kag Associate Justice Michael Musngi ang mosyon sang kampo ni Revilla kag sang iban pa nga akusado nga magbutang anay sang bag-o nga petsa sang arraignment.
Nag-file sang mosyon ang mga akusado agud ipabasura ang kriminal nga kaso, bangud suno sa ila, ang mga detalye kag impormasyon sa kaso ang wala nagapakita sa paglapas sang lahi.
Samtang, una na ang nag-atubang sa korte si anay DPWH Bulacan First District Engineering Office Engineer Emelita Juat kag pormal ginpamatbatan sang “not guilty” sa mga akusasyon sa batok sa iya.
