Arraignment sang kaso ni Sarah Discaya sa Cebu, igapatigayon sa Enero 2026

Ginschedule sa masunod nga tuig ang arraignment sang contractor nga si Sarah Discaya sa korte sa Cebu.

 Suno kay National Bureau of Investigation (NBI) spokesperson Palmer Mallari, sa palaabuton nga Enero 13 sa alas-10 sang aga pagahihimuon ang arraignment sa Regional Trial Court Branch 27 sa Lapu-Lapu, Cebu sa mga kaso nga graft kag malversation.

Nagapangatubang sang amo nga mga kaso si Discaya tungod sa iya kaangtanan sa P96.5 milyon nga “ghost” flood control projects sa Davao Occidental.

Antes sini, una na nga naaresto si Discaya sang Disyembre 18 kag ginbyahe sa Cebu pagkatapos sang isa ka adlaw.

Magluwas kay Discaya, kaupod man sini ang iya hinablos nga si Ma. Roma Rimando kag walo pa nga iban nga nadalahig sa amo nga anomalya.