-- ADVERTISEMENT --
Ginserbe na sang mga otoridad ang arrest warrant batok kay anay House Speaker Martin Romualdez samtang naka-confine ini sa Cardinal Santos Medical Center.
Suno kay DILG Secretary Jonvic Remulla, opisyal na nga ginakabig nga person deprived of liberty si Romualdez matapos nga nabaton ang warrant sa iya kwarto kag ginpaidalom sa booking procedures.
Matandaan nga gindala sa ospital si Romualdez matapos ginreport nga nagsupreher sang cardiovascular event, high blood pressure, kag anxiety attack sang nahibaluan ang mando sang Sandiganbayan.
Padayon ang pagbantay sang kapulisan sa lugar sang ospital, kag natalana nga igasaylo si Romualdez sa Quezon City Jail sa Payatas sa tion nga mahatagan na ini sang medical clearance.
