Nabaton sang Senado ang Articles of Impeachment batok kay Vice President Sara Duterte nga ginpadala sang House of Representatives.
Personal nga ginsumite ni House Secretary General Cheloy Garafil kag House Sergeant-at-Arms Ferdinand Melchor dela Cruz ang nasambit nga impeachment articles sa Senado.
Ginbaton ini sang Senado pasado alas 7:00 sang gab-i sa pihak sang nagapadayon nga tensyon sa sulod sang Senate Building.
Una na nga ginpasalig ni Senate President Alan Peter Cayetnao nga “forthwith” ukon gilayon nga maga-convene ang Kamara sa pagbaton sang mga articles of impeachment.
Ginhatagan pagtamod ni Cayetano nga obligado ang Senado, suno sa nasaad sa Konstitusyon, nga gilayon nga iproseso ang reklamo sa pihak sang posible nga legal challenges ukon political tensions nga may kaangtanan sa amo nga bagay.
