Nagapati si Senador Alan Peter Cayetano nga mahimo makabig nga patay na ang isyu sang mga articles of impeachment batuk kay Vice President Sara Duterte.
Ini ang paglaragway sang senador sa pagboto sang mga senador kagab-i.
Sa nasambit nga deliberasyon, nagpasugot ang alkalde nga i-archive ang mga articles of impeachment batuk sa bise presidente.
kaangut sini, liwat nga ginklaro ni Cayetano nga mahimo nga mabuhi liwat ang impeachment sa tion nga baliskaron sang Korte Suprema ang nauna sini nga desisyon nga ideklarar nga unconstitutional ang impeachment bangud naglapas ini sa one year bar rule.
Samtang, ginpaathag sini ang kinalain sa nauna nga mosyon ni Senate Minority Leader Tito Sotto nga ibutang sa lamesa ang mga articles of impeachment.
Suno sa iya, ang motion ni Sotto nga i-table ang motion to archive ang maga-set aside sang bagay kag nagakahulugan nga buhi ang impeachment apang magalapas ini sa SC.
Gani, indi na suno sa iya kinahanglan nga hulaton pa ang desisyon sang SC sa motion for reconsideration nga ginpasaka sang chamber bangud una na nga ginpahayag sang SC nga immediately executory ang ruling.
