ROXAS CITY – Desidido ang asawa sang ginpatay nga punong barangay sang Barangay Lawaan, Roxas City ngamagbulos sa iya kandidatura sa maabot nga Barangay at SK election sa Mayo 14, 2018.
Nahibaluan nga ginganyat ni Mayor Alan Celino si Mrs. Jocelyn Asis nga magbulos sa kandidatura ni barangay kapitan Elvis Asis nga magapadalagan sa ikaduha nga termino bilang punong barangay, bangud nakita ang potensyal sini bilang public servant.
Nagsumite na sang letter of substitution si Mrs. Asis sa City Comelec officer nga gilayon ginpadala ni Atty. Jomar Bettita sa legal department sang Comelec kag ginahulat na lamang ang mangin sabat sang ahensiya.
Matandaan nga ginluthang-patay sang riding-in-tandem sang nagligad nga Biyernes sang gab-i si Kapitan Asis samtang naga-angkas sa motorsiklo sang kakilala sa Kilometer 2, Barangay Lawaan, Roxas City.
