ROXAS CITY – Kasubo ang nabatyagan sang tiayon sang cancer patient nga si Marvin Custodio matapos nga nagtaliwan na ang iya nga bana samtang ginabulong sa ospital kagab-i.
Ginpahayag ni Mrs. Mabel Custodio sang Barangay Cogon Ilawod, Panay, Capiz nga indi pa sini halos mabaton ang pagkamatay sang iya bana, sa pihak nga ila na ini ginapaabot nga sitwasyon.
Trending nga lalaki nga may cancer nga ginpakaslan sang iya nobya, ginbawian na sang kabuhi
Suno sa ginang nga indi sini mapaathag ang tuman nga sakit nga nabatyagan sa karon bangud kasubong nga nakuhaan ini sang isa ka pakpak sa pagkadula ni Marwin.
Nahibaluan nga gindala sa ospital si Marwin matapos nakita ang kabudlayan sini sa pagginhawa sa pihak nga nagagamit na ini sang oxygen sa ila nga balay.
Apang ginpahayag ni Mabel nga antes ginbawian sang kabuhi ang iya bana, kasubong nagpabatyag na ini pinaagi sa hugot nga pag-uyat sa iya nga kamot.
