ROXAS CITY – Plano ni Dr. Leonel Abordo nga buksan sa gobyerno probinsyal ang ginadihon sini nga African Swine Fever (ASF) program pananglitan magdeklarar sang state of calamity ang Capiz, bangud sa virus nga nag-igo sa mga baboy.
Sa interview sang Bombo Radyo kay Abordo, naghatag sini sang kaugalingon nga opinyon, nga sa baylo nga financial assistance ang ihatag para sa mga hog raisers, magpatigayon na lang sang rehabilitation agud liwat nga mabuhi ang hog industry sa probinsya.
Sa idalum sang rehabilitation, iga-preserve diri ang nabilin nga baboy kag bakunahan, ilabi na ang mga nayon agud mangin breeder kag makabulig sa reproduction.
Pinaagi sini, amat-amat nga mabuhi ang industriya kag mabuligan ang mga hog raisers nga makahupot sang baboy liwat.
Apang suno diri, nakadepende man ini sa gihapon sa mangin resulta sang hinun-anon kaupod ang mga opisyales para sa ikaayo sang probinsya.
