Ashley Ortega, ginkumpirmar ang relasyon nila ni Mavy Legazpi

Ginkumpirmar sang actress nga si Ashley Ortega nga may ara sila sang relasyon ni Mavy Legazpi.

Ginpahayag sini nga apisar nga pila na niya ka tuig nakilala ang actor, sadtong nakaligad nga tuig lamang sila masami nga nagaguwa.

Labi niya sini nga nakilala ang actor sang magbulagay si Mavy kag ang anay nobya nga si Kyline Alcantara.

Nakilala naman sini ang mga ginikanan sang actor kalakip ang kapid sini nga si Cassy.

Sang Enero, nangin mainit ang isyu nga magkarelasyon ang duha matapos nga makit-an sila nga magkaupod sa Cebu.