Ginkalingawan online ang isa ka cute nga AsPin nga ido ukon Pinoy Dog, matapos ga ginhimo nga ring bearer sa isa ka kasal sa Alfonso, Cavite.
Ang ido nga si Hershee kilala indi lamang sa iya mahipid nga bayo kundi sa iya man mahipid kag sanay nga paglakat sa aisle.
Suno sa iya fur mom, nga si Elai Blando-Cruz, siya kag ang iya bana mahilig sa mga ido kag isa sa ila “non-negotiables” para sa kasal amo ang paglakip sang ila mga fur babies sa entourage.
Dugang pa sini nga may yara sila sang kabug-usan nga apat ka mga ido kag lunsay sila man ang nalakip sa entourage.
Sang nagapili pa lang sila sang simbahan, nagpamangkot siya kon mahimo maglakat ang mga ido sa aisle bangod amo gid ini ang iya gina-imagine sa kasal kag sang nagpasugot ang St. John Nepomucene Parish, ginhimo nila ini nga venue sang ila kasal.
Ang nasambit nga eksena nakakuha sang nagkalain-lain nga positibo nga reaksyon gikan sa mga netizens.
Madamo ang nalipay kag nagdayaw sa paghatag sa isa ka Aspin sang pinasahi nga papel sa pinaka-importante nga okasyon, nga nagapamatuod nga ang ila mga hinuptanan nga ido ang matuod nga bahin sang ila pamilya.
