Ginpanginwala sang Ateneo rookie player Kieffer Alas ang espekulasyon nga ang team-building activity nga nagdul-ong sa makahalanusbo nga kamatayon nanday Divine Adili kag Rene Clert Baterbonia sa Aurora ang may kaangtanan sa hazing ukon initiation rites.
Suno kay Alas, indi matuod ang mga alegasyon kag indi nila mahanduraw nga halitan sila sang ila beterano nga mga kaupod sa team.
Dugang pa, ang team-building activity ang kabahin sang ila preparasyon para sa UAAP Season 88 nga nagatuyo nga mapabakod ang team kag mental toughness sang mga players.
Ginpahayag man sang mga ini nga nalakip sila sa mga gin-anod sang dagat matapos nga nag-igo ang sunod-sunod nga dalagko nga balud sa ila grupo.
Suno sa ila nga antes ang aktibidad, ginhatagan sila sang orientation sang mga coaches tuhoy sa peligro sang rip currents kag iban pa nga posible peligro sa lugar.
Kasunod sang insidente, nag-withdraw ang Ateneo Blue Eagles sa FilOil Preseason Cup samtang ginbaton naman sang pamunuan sang unibersidad ang resignation nanday Coach Tab Baldwin kag Team Manager Epok Quimpo.
